Skattþrep og skattleysismörk 2016
29. desember 2015
Tilkynnt hefur verið um skattþrep og skattleysismörk sem gilda fyrir árið 2016 á vef Ríkisskattstjóra. Persónuafsláttur hækkar um 2% verður 51.920 krónur á mánuði og eru skattleysismörk launatekna á mánuði því 145.659 krónur miðað við 37,13% staðgreiðsluprósentu. Skattleysismörk lífeyristekna eru hins vegar 139.833. Eftirfarandi skattþrep og prósentur gilda fyrir árið 2016:
| Skattþrep | Viðmiðunartekjur á mánuði | Staðgreiðsluprósenta |
| 1. þrep | 0 – 336.035 krónur | 37,13% |
| 2. þrep | 336.036 – 836.990 krónur | 38,35% |
| 3. þrep | Yfir 836.990 krónum | 46,25% |
Tekjuskattur er greiddur af öllum lífeyrisgreiðslum.
- Við útreikning á staðgreiðslu er horft til tekna í þeim mánuði sem lífeyrir er greiddur og því getur borgað sig að dreifa greiðslum á lengra tímabil.
- Staðgreiðslan er reiknuð þannig að greiddur er 37,13% skattur af fyrstu 336.035 krónum, 38,35% skattur af næstu 500.955 krónum og 46,25% af öllum tekjum sem eru umfram kr. 836.990 krónum.
- Ekki er horft til heildartekna á árinu fyrr en við álagningu tekjuskatts í ágúst árið eftir.
Það er á ábyrgð lífeyrisþega að tilkynna lífeyrissjóðnum um skattþrep sem á að nota. Álagning tekjuskatts fer fram 1. ágúst ár hvert og ef það vantar upp á staðgreiðsluna bætist við 2,5% álag. Við viljum því hvetja sjóðfélaga sem vilja fá upplýsingar um hvernig best er að haga úttekt lífeyris að hafa samband við ráðgjafa sjóðsins.
Nánari upplýsingar um er að finna á vef ríkisskattstjóra www.rsk.is