Hæsta ávöxtun frá upphafi

10. janúar 2013

Ávöxtunarleiðir Almenna lífeyrissjóðsins hækkuðu um allt að 16,6% umfram verðbólgu á árinu 2012 sem er hæsta raunávöxtun sjóðsins frá upphafi. Allar ávöxtunarleiðir skiluðu jákvæðri nafnávöxtun á árinu eða á bilinu 4,2% til 21,8%.

Allt að 16,6% raunávöxtun

Allar ávöxtunarleiðir Almenna lífeyrissjóðsins skiluðu jákvæðri nafnávöxtun á árinu 2012. Hæsta nafnávöxtunin, 21,8% var á Ævisafni I sem er að stórum hluta ávaxtað í erlendum sjóðum. Hækkun safnsins má helst rekja til hagstæðrar þróunar á erlendum mörkuðum auk þess sem varúðarafskriftir gengu að hluta til baka.

Mynd af ávöxtun ársins 2012

Blönduð söfn hækkuðu mest Blandaðar ávöxtunarleiðir þ.e. Ævisafn I, II, III og samtryggingarsjóður nutu allar góðs af hækkun erlendra eigna vegna hagstæðrar þróunar á mörkuðum og veikingar krónunnar. Einnig gengu varúðarafskriftir að hluta til baka og höfðu í för með sér hækkun á eignum sjóðsins. Ævisafn I hækkaði mest á árinu 2012 eða um 21,8%, Ævisafn II um 16,7%, Ævisafn III um 10,6% og Samtryggingarsjóður hækkaði um 14,8%.
Ríkissafn-langt hækkaði Ríkissafn langt hækkaði um 6,4% á árinu. Ávöxtunarkrafa langra ríkisskuldabréfa var svipuð í upphafi og lok ársins en nokkrar sveiflur urðu innan ársins. Hækkun umfram verðbólgu var 1,8%.
Ríkissafn-stutt hækkaði Ríkissafn stutt hækkaði um 4,2% en vegna 4,5% verðbólgu lækkaði safnið um tæp 0,4% að raunvirði.
Verðtryggð innlán með góða ávöxtun Ævisafn IV sameinaðist Innlánasafni í september 2012. Á árinu varð 6,5% nafnávöxtun á Innlánasafninu. Fengnar verðbætur skýra stóran hluta ávöxtunarinnar þar sem verðbólga ársins var 4,5%. Verðtryggð innlán vega um 91% af Innlánasafninu.